Tourseko San Martin
(11/11)
Aurkezpena
Gaur egun Hungria lez ezagutzen dan herrialdean, Panonia urian jaioa, 316an,
eta 397an hil zan. Gaztetxotan bihurtu zan kristau eta soldadiskan sartu zan,
baina laster laga eban zeregin hori Poitierseko Hilario gotzainaren ikasle
egiten zala. Gerora Tourseko gotzain izentatuko dabe.
Laster zabaldu zan bere izena ongilea, bakegilea eta, batez ere,
pobreenganako miresmena zitualako.
Hainbeste dira bere omenez eta zaindaritzapean jazo diran eleiza,
basilika eta otoitz leku, Santiago Bidean batikbat.
Kristoren jarraitzaile izaten lagundu leigu, eleiza maitatzen eta,
batez ere, gure bizitzan zehar pobreak gogokoen izaten. Eskatu deiogun grazia
hori ez dogulako horretan Martinen laguntzak huts egingo.
Sarrera abestia
AGUR, ELEIZA, JAUNAREN EGOITZA,
HAREN GORPUTZA, HAREN ERREINUA.
AGUR, ELEIZA, MUNDUKO BIHOTZA, GUZTIEN
AMA.
Zainetan dozu Jaunaren bizia,
eta hitzean Jaunaren argia.
Argitu eizu mundu hau guztia: Agur
Eleiza!
Eskeintzen dozu lurrekoen lana,
gain hartarako ontzen dozu dana,
zabal daitela Jaunaren eguna: Agur
Eliza!
Abadearen agurra
† Aitaren eta semearen
eta espiritu santuaren izenean.
—Amen.
† Pobreen zaintzailea
dogun Jauna izan bedi zuekin.
—Eta zure
espirituarekin.
Damu-otoitza
Pekatua bestengan baina ez geure barruan ikusten dogunok, autortu daigun Jainkoaren errukiaren beharra gure erosokeriatik, eralgikeriatik eta pobreei ez-ikusia egitetik atara gaizan:
—Jesus Jauna, zu behartsuekin bat eginda
bizi izan zinan. Erruki, Jauna.
—Jesus Jauna, zuk pobreak maite izan
zenduzan. Kristo, erruki.
—Jesus
Jauna, zure ikasleak pobreziara bultzatzen dozuzana. Erruki, Jauna.
Erruki dakigula Jainko guztiz ahaltsua eta gure pekatuak parkaturik eroan gaizala betiko bizitzara.—Amen.
(Holan badagokio…)
† Aintza zeruetan Jaungoikoari.
… eta bakea lurrean
haren gogoko gizakiei.
Hain handi eta eder
zaitugulako,
gora Zu, bedeinkatua
Zu, gorespen Zuri, ahuspez agur, eskerrak Zuri,
Jainko Jauna, zeruko
Errege, Jaungoiko Aita guztiahalduna.
Jauna, Seme bakar,
Jesu Kristo,
Jainko Jauna,
Jainkoaren Bildots, Aitaren Seme:
Zeuk kentzen dozu
munduko pekatua; erruki, Jauna;
Zeuk kentzen dozu
munduko pekatua; entzun gure deia.
Aitaren eskumaldean
jarririk zagoz Zu; erruki, Jauna.
Zeu bakarrik Santua,
Zeu bakarrik Jauna,
Zeu bakarrik
Goi-goikoa, Jesu Kristo,
Espiritu Santuarekin Jainko
Aitaren argitan. Amen.
OTOITZA
Oi Jainko, Martin gotzain santuak goratu zaitu,
bai bizitzaz, bai heriotzaz;
barritu egizuz gure bihotzean zeure graziaren miragarriak,
ez heriotzak, ez bizitzak,
ez gagizan zure maitasunetik aldendu.
Zure Seme Jesu Kristo gure Jaunaren bitartez,
Zurekin eta Espiritu Santuarekin batean
Jainko eta errege bizi da-eta gizaldi eta gizaldietan. Amen.
Irakurgaia
Martin santua Espirituak erabilan gizona zala esaten zan; horregaitik ikusten ebezan harengan espirituaren dohaiak. Amestu daiguzan geuretzat, arretaz entzunez irakurgai hau.
Jaunak igurtzi nau,
behartsuei barri ona emotera bialdu nau.
(Ik. Lk 4, 18)
Isaias Profetaren
liburutik (Is 61, 1-3a)
Jainko Jaunaren espiritua nire gainean dago,
Jaunak igurtzi nau-eta.
Harek bialdu nau behartsuei barri ona emotera,
bihotz-urratuak osatzera,
katiguei amnistia iragartzera
eta giltzapetuei askatasuna;
Jaunaren onginahi-urtea
eta mendeku-eguna iragartzera.
Siongo atsekabetuak kontsolatzera
bialdu nau Jaunak:
koroa emongo deutset errautsaren ordez,
jaietako usain gozoa dolu-jantziaren ordez,
gorespen-kantuak etsipenaren ordez.
Jaunak esana.
ERANTZUN SALMOA (Sal 37 [36], 3-4. 5-6. 30-31 (R/. 30a))
R/. Zintzoaren ahoari jakituria dario.
Izan konfiantza
Jaunagan eta egin on dana,
Çbizi lurraldean eta
zaindu leialtasuna.
Izan bedi Jauna zure
atsegina,
eta emongo deutsu
zure bihotzak eskatzen dauana. R/.
Itzi Jaunaren esku
zeure zoria,
izan konfiantza
harengan, berak ekinean jardungo dau-eta.
Goiz-argiak lez
egingo dau distira zure zuzentasunak,
eguerdiko eguzkiak
lez zure zuzenbideak. R/.
Zintzoaren ahoari
jakituria dario,
haren mihinak zuzen
dana esaten dau.
Bere Jainkoaren legea
dau bihotzean,
haren pausuak ez
dabiltz kili-kolo. R/.
Ebanjelioa
Deigarria dogu ebanjelioa; Martinen bizikerea goraltzen dau eta guri pobreak aintzat hartzea eskatzen deusku; hrexetara bultzatzen gaitu Espirituak eta Martinenganako oneraspenak. Egin deiogun harrerea aleluia abestuz.
Aleluia
R/. Aleluia. (Mk 1, 17)
V/. Zatoze Nigaz, dino Jaunak,
eta giza arrantzale egingo zaituet. R/.
Nire seniderik txikien honeetako bati egin zeuntsoena
neuri egin zeunsten.
✠ Jesu Kristoren Ebanjelioa San Mateoren liburutik (Mt 25, 31-46)
Aldi haretan, Jesusek esan
eutsen ikasleei: «Gizonaren Semea —eta aingeru
guztiak beragaz— aintzaz
beterik etortzean, bere
errege-aulki ospetsuan jesarriko da, eta herri guztiak haren aurrean
batuko dabez. Harek batzuk besteakandik banandu egingo ditu, artzainak ardiak
ahuntzengandik banatzen dituan lez: ardiak bere eskumaldean ipiniko ditu, eta
ahuntzak ezkerraldean.
Orduan, erregeak esango
deutse eskoikoei: “Zatoze, nire Aitaren bedeinkatuok; hartu egizue munduaren
sortzetik zuentzat prestaturik dagoan erreinua. Ze gose nintzan, eta jaten emon
zeunsten; egarri, eta edaten emon; arrotz, eta etxean hartu ninduzuen; biluzik
nengoan, eta jantzi egin ninduzuen; gaixorik, eta bisitatu; espetxean, eta
ikustera etorri zinien”.
Orduan, zintzoek erantzungo
deutsoe: “Jauna, noiz ikusi zinduguzan goserik, eta emon geuntsun jaten, edota
egarri, eta edaten emon? Noiz ikusi zinduguzan arrotz, eta etxean hartu, edota
biluzik, eta jantzi? Noiz ikusi zinduguzan gaixorik edota espetxean, eta
ikustera joan?”
Eta erregeak erantzungo
deutse: “Bene-benetan dinotsuet: nire senide txikien honeetariko bati egin
zeuntsoena neuri egin zeunsten”.
Jaunak esana.
HRRI-OTOITZA
Ondo bizi gara, eta eskale jarriko gara. Izan daiguzan gogoan behartsuak, baztertuak eta gure gizarteak aintzat hartzen ez dituanak:
—Eleizearen alde: Frantzisko aita santuaren guraria aintzat hartu daian, eta benetan izan daitezan pobreak bere lehentasun, eskatzen deutsugu, Jauna.
ZEUGAN DOGU USTE ONA
—Hil honetarako izentatua izan da POBREEN ALDEKO JARDUNALDIA. Gogo biziz esku hartu daigula bai geure emoitzaz eta baita kontsumo murrizteaz ere, eskatzen deutsugu, Jauna.
—Burua jaso ezinik dagozan herrialde pobreen alde: euren aldarria entzuna izan daiten eta kanpo zorra ezabatzeaz erantzun dakien, eskatzen deutsugu, Jauna.
Martin santua omentzeko alkartu garanok aintzat hartu daigun Caritasen lana, eta gure lehentasunetan sartu daigun pobreekin bat egiteko gogo sutsuaz, eskatzen deutsugu, Jauna.
Pobreen zaintzaile zaran eta gure artean hareenganako begiramena sortzen dozuna: emoiguzu kontsumoa murrizteko adorea eta pobrezia besarkatzeko gogoa. Jesu Kristo gure Jaunaren bitartez.
—Amen.
EUKARISTIAREN LITURGIA
Bedeinkatua Zu,
Jauna, zeru-lurren Jaungoikoa;
zeure esku zabaletik
hartu dogu
orain ekarri
deutsugun ogi hau,
lurraren indarrak eta
gizakiaren lanak sortua;
hauxe egingo jaku
biziaren ogi.
Bedeinkatua Zu, Jauna, orain eta beti.
Bedeinkatua Zu,
Jauna, zeru-lurren Jaungoikoa;
zeure esku zabaletik
hartu dogu
orain ekarri
deutsugun ardao hau,
mahatsondoaren
indarrak eta gizakiaren lanak sortua;
hauxe egingo jaku
betiko zorionaren edari.
Bedeinkatua Zu, Jauna, orain eta beti.
Senideok,
egin daigun otoitz
guztiok batean,
Eleiza osoaren oparia
Jainkoari eskeintzerakoan.
Jainkoa goresteko eta gizakia salbatzeko.
Oparien gaineko otoitza
Jainko Jauna, egizuz santu,
Martin santuaren egun honetan
pozik ekarri doguzan oparigaiak;
lagundu deiguela, lur honetako atsegin-atsekabeen
artean,
beti zure bideetan ibiltzen.
Jesu Kristo gure Jaunaren bitartez. Amen.
Prefazioa
V./ Jauna zuekin R./ Eta zure
espirituarekin
V./ Gora bihotzak R./
Jaunagan daukaguz
V./ Eskerrak
Jaungoiko gure Jaunari R./ Egoki
da eta zuzen.
Egoki da, bai, eta zuzen
non-nahi ta beti zuri eskerrak emotea,
Jauna, Aita guztiz santu,
Jaungoiko ahalguztidun, betiko horri,
Jesukristo gure Jaunaren bitartez.
Zure santuen fede-autormen ederraz
indar barria emoten deutsozu zure
elizeari
eta argiro erakusten guri zure
maitasuna
zure seme-alaben asmoa gugan bete
dadin
Santuen ejenplu ederrak eragiten
deusku
eta euren otoitzak laguntzen.
Horregaitik geuk ere
aingeru eta santu guztiekin batean
goresten zaitugu, Jauna,
poz betean kantari:
SANTU, SANTU, SANTUA
diren guztien Jainko
Jauna.
Zeru-lurrak beterik
daukaz zure diztirak.
Hosanna zeru
goienetan!
Bedeinkatua Jaunaren
izenean datorrena.
Hosanna
zeru-goienetan!
II. EUKARISTI OTOITZA
Santu zara, bai, Jauna,
eta santutasun guztiaren iturri;
egizuz, bada, santu ogi-ardao honeek,
zeure Espiritua isuriz,
Jesu Kristo gure Jaunaren Gorputz eta † Odol
egin daitezan guretzat.
Berak, saldu ebenean
eta bere gogoz kurutzera joiala,
ogia hartu eta, eskerrak emonez,
zatitu eban eta bere ikasleei emon eutsen, esanez:
HARTU EIZUE ETA JAN GUZTIOK HONETATIK:
HAU NEURE GORPUTZA DA-ETA,
ZUENTZAT EMONGO DANA.
Era berean, afalondoan, kaliza harturik,
barriz ere eskerrak emonez,
bere ikasleei emon eutsen, esanez:
HARTU EIZUE ETA EDAN GUZTIOK HONETATIK:
HAU NEURE ODOLAREN KALIZA DA-ETA,
ITUN BARRI ETA BETIKOAREN ODOLA,
ZUENTZAT ETA ASKORENTZAT
PEKATUAK PARKATZEKO ISURIKO DANA.
EGIZUE HAU NEURE OROIGARRI.
V/. Hau da sinismenaren misterioa.
R/. Hil eta biztu zarala, Jauna,
Zu barriz etorri arte,
hau dogu, hau, barri ona!
Horregaitik, Jauna,
zure Semearen heriotza eta biztuera gogoratuz,
biziaren ogia eta salbamenaren kaliza
eskeintzen deutsuguz,
Zuri eskerrak emonez,
altaran zeure zerbitzari onartu gaituzulako.
Eta apalik eskatzen deutsugu,
Kristoren Gorputza eta Odola hartzen ditugunok
Espiritu Santuak bat egin gaizala.
Izan gogoan, Jauna,
mundu guztian zabaldurik dagoan zeure Eleizea;
eroaizu maitasun osora,
Frantzisko gure Aita Santuarekin,
Joseba gure Gotzainarekin,
(I. Gotzain Laguntzailearekin,)eta eleiz-gizon (-emakume) guztiekin batean.
Era berean, izan gogoan, Jauna,
gaur mundu honetatik zeugana eroan dozun
I. zure zerbitzaria;
zure Semearekin bat egin dan hau
biztueran ere berarekin bat izan dadila.
Baita izan gogoan, Jauna,
bizteko itxaropenean joan diran gure senideak
eta hildako guztiak ere;
hartu egizuz zeure aurpegiaren argitan.
Erruki zakiguz, arren,
guk guztiok betiko bizitza jaritsi daigun,
Jainkoaren Ama Maria Birjina dohatsuarekin,
haren senar Jose santuarekin,
Martin santu dohatsuarekin,
eta, gizaldi guztietan,
zure adiskide izan diran santuekin;
eurekin batera goratu zaiguzan,
Jesu Kristo zure Semearen bitartez.
Honen
bitartez, honekin eta honengan,
Zuri, Jainko
Aita ahalguztidun horri,
Espiritu
Santuarekin batean,
ospe eta
aintza guztia
gizaldi eta
gizaldi guztietan.
Amen.
† Salbatzaileak agindu eta irakatsiari jarraituz
bildur barik esan dagigun.
GURE AITA zeruetan zarana
santu izan bedi zure
izena,
etor bedi zure
erreinua,
egin bedi zure nahia
zeruan bezela
lurrean ere.
Emoiguzu gaur egun
honetako ogia;
parkatu gure zorrak
geuk ere gure
zordunei
parkatzen deutsegun
ezkero;
ez eiguzu itzi
tentazinoan jausten,
baina atara gagizuz
gatxetik.
† Atara gagizuz, Jauna, gatx guztietatik, emoiguzu bakea gure egunotan,
zure errukiari esker pekatutik garbi bizi izan gaitezan eta estualdietan
sendo; betiko zorionaren itxaropenean Jesukristo gure Salbatzailea noiz
etorriko dan zain gagozela.
—Zeurea dozu erregetza; zeureak ospe ta indarra orain eta beti.
† Jesukristo gure Jauna, zeuk esana da apostoluei ‘bakea izten deutsuet,
neure bakea emoten’; begira zure Eleizearen sinismenari eta ez gure pekatuei,
eta zeure gogoa danez, emoiozu Eleizeari bakea, emon batasuna, errege bizi
zara-ta, gizaldi eta gizaldietan.
—Amen.
† Jaunaren bakea beti zuekin.
—Eta zure espirituarekin.
† Emon deiogun bakea alkarri.
Jaungoikoaren Bildotsa,
zeuk kentzen dozu munduko pekatua: Erruki, Jauna.
… emoiguzu bakea.
Jaunartzea
† Hona hemen Jaungoikoaren
Bildotsa, hona munduko pekatua kentzen dauana: zoriontsuak honen mahaira
deituak:
—Jauna, ni ez naz inor zu nire etxean sartzeko,
baina esaizu hitz bat eta osatuko naz.
Jaunartzean
Zabal bihotzok errukirako,
sendo bihotzok borrokarako.
—Gizon-emakume
barri, kondairaren eragile
gizatasun
barriaren oinarri eta egile.
Gizon-emakume
barri arriskuen onartzaile,
fede-bizitzan
ausarta, zailtasunetan garaile.
—Gizon-emakume
barri, esperantzaren gudari,
zuzenaren
gose-egarri, egi bidean bidari.
Gizon-emakume
barri, ez kate ta ez lokarri,
askatasunaren
jabe eta askatasun-azkarri.
—Gizon-emakume
barri, mugaz-gaindiko maitale,
alkar
artean oretuz arraza eta lurralde.
Gizon-emakume
barri, pobreen artean pobre,
hauekin
alkarbanatuz etxeko ogi ta aterpe.
Jaunartze
ondorengoa
Jauna, batasunaren
sakramentua emon deuskuzu janari;
egizu, bizi izan izgaitezala
beti
zure borondatea
bete-betean eginez;
Martin santua osorik
zure esaneko izan zan lez,
geu ere poztu
gaitezan benetan zeureak izateaz.
Jesu Kristo gure
Jaunaren bitartez. —Amen.
Toursko Martinen omenez dogu ospatu meza santua;
bera dogula eredu-lagun eroan dagigun sua.
Pobrezia ta injustizia ezabatzeko gogua;
maitasunezko sutean daiten kixkali gure mundua.
Azken
onespena
† Jauna zuekin.
-
Eta zure espirituarekin
† Bedeinka ta gorde gaizala Jainko
ahalguztidunak:
Aitak eta Semeak eta Espiritu Santuak.
- Amen.
