Maiatzaren
14anSan Matias, Apostolua
Jaia
I. Irakurgaia
Zotz
eginik, Matiasi egokitu jakon,
eta
hamaika apostoluekin alkartu eben.
Apostoluen Eginak liburutik
Eg 1, 15-17. 20-26
Egun hareetan, Pedrok, senideen erdian
zutunduta, esan eban: «Senideok, bete beharrezkoa zan Espiritu Santuak Liburu
Santuan Daviden ahoz iragarria, hau da, Jesus harrapatu ebenen gidari izan zan
Judasi buruz esana. Gure taldekoa zan eta zerbitzu hau betetzeko gu lez
aukeratua. Honan dago idatzita Salmoen liburuan: "Bihurtu bedi haren
bizilekua basamortu, gelditu bedi inor barik". Eta beste hau be bai:
"Hartu begi beste batek haren kargua".
Beharrezkoa da, beraz, norbait gure taldeko
kide egitea, gugaz batera Jesusen biztueraren testigu izan dadin. Jesus Jauna
gure artean bizi izan dan denpora guztian –Joanek bateatu ebanetik zerura jasoa
izan dan egunera arte, hain zuzen be– gugaz ibili diranetakoa izan behar dau».
Bi aurkeztu ebezan: Jose, deituraz Barsaba,
izengoitiz Zintzoa, eta Matias. Ondoren, honan egin eben otoitz: «Jauna, Zuk
ezagutzen dozuz guztion bihotzak, erakutsi egiguzu bi honeetatik zein aukeratu
dozun, apostolu-zerbitzu honetan Judasek itzi dauan lekua betetzeko, ha egokion
tokira joan da-eta». Zotz eginik, Matiasi egokitu jakon, eta hamaika
apostoluekin alkartu eben.
Jaunak esana.
Erantzun-salmoa
Sal 113 [112], 1-2. 3-4. 5-6. 7-8 (R/. ik. 8)
R/. Bere herriko handikien artean
jesarriarazo dau Jaunak.
Edo: Aleluia.
V/. Goratu egizue, Jaunaren zerbitzariok,
goratu
Jaunaren izena.
Bedeinkatua
izan bedi Jaunaren izena,
orain
eta beti. R/.
V/. Eguzkiaren sorlekutik sarlekura,
goratua
izan bedi Jaunaren izena.
Jauna
herri guztien gainean garai dago,
haren
ospea zerua baino gorago. R/.
V/. Nor da Jauna gure Jainkoa lakorik?
Gorenean
dau tronua,
baina
beheratu egiten da,
zerura
eta lurrera begiratzeko. R/.
V/. Gizajoa hautsetatik jasotzen dau,
behartsua
zaborretatik ataratzen,
eta
handikien artean jesarriarazoten dau,
bere
herriko handikien artean. R/.
Aleluia
Jn 15, 16
R/. Aleluia.
V/. Neuk aukeratu zinduedazan zuek,
eta
eginkizun hau emon deutsuet:
frutu
ugaria eta iraunkorra emon dagizuela edonon,
dino
Jaunak. R/.
Ebanjelioa
Ez
ninduzuen zuek aukeratu Ni,
Neuk
aukeratu zinduedazan zuek.
✠ Jesu Kristoren Ebanjelioa San Joanen liburutik
Jn 15, 9-17
Aldi haretan, Jesusek esan eutsen ikasleei:
«Aitak Ni maite izan nauan moduan, halantxe maite izan zaituet Neuk be zuek;
iraun tinko nire maitasunean. Nire aginduak betetzen badozuez, nire maitasunean
iraungo dozue, Neuk be, Aitaren aginduak bete dodazanez, haren maitasunean
irauten dodan moduan.
Hau esan deutsuet nire poza zeuongan izan
dagizuen, eta zuon poza bete-betea izan dadin». «Hauxe da nire agindua: maitatu
dagizuela alkar, Nik maite izan zaituedan lez. Ez dauka inork maitasun
handiagorik, bere bizia lagunen alde emoten dauanak baino.
Zuek nire adiskide izango zarie, Nik agindua
betetzen badozue. Aurrerantzean ez deutsuet morroi deituko, ze, morroiak ez dau
jakiten nagusiak zer egiten dauan; zuoi adiskide deitzen deutsuet, neure
Aitagandik entzun dodan guztia jakinarazo deutsuedalako.
Ez ninduzuen zuek aukeratu Ni, Neuk aukeratu
zinduedazan zuek, eta eginkizun hau emon deutsuet: edonon frutu ugaria eta
iraunkorra emon dagizuela; holan, Aitari nire izenean eskatuko deutsazuen
guztia emongo deutsue. Hauxe agintzen deutsuet: maitatu dagizuela alkar».
Jaunak esana.