0214_Zirilo eta Metodio

Otsailaren 14an

Zirilo, lekaidea, eta Metodio, Gotzaina, Santuak
Europako Zaindariak

Jaia

 

I. Irakurgaia

Jentilengana joko dogu.

Apostoluen Eginak liburutik  (Eg 13, 46-49)

    Egun hareetan, Paulok eta Bernabek esan eutsien judeguei: «Zuei adierazo behar geuntsuen lehenengo Jainkoaren hitza; baina hitza baztertu eta zeuen buruak betiko bizitzarako gai ikusten ez dozuezan ezkero, jentilengana joko dogu. Hauxe agindu deusku-eta Jaunak: “Nazinoen argitzat ezarri zaitut, salbazinoa lurraren bazterreraino eroan dagizun”». Hau entzutean, jentilak poztu egin ziran eta Jaunaren berbea goratzen eben. Eta betiko bizitzarako ziranek sinistu egin eben. Jaunaren hitza zabaltzen joian herrialde haretan guztian. Jaunak esana.

 

Erantzun-salmoa (Sal 117 [116], 1. 2 (R/. Mk 16, 15))

R/. Zoaze mundu guztira eta iragarri Barri Ona.

Edo: Aleluia.

V/. Goratu egizue Jauna, nazino guztiok,
       goratu egizue, herri guztiok. R/.

V/. Sendoa da-eta guretzat haren maitasuna,
       beti-betikoa Jaunaren leialtasuna. R/.

Aleluia edo Ebanjelio aurreko txatala: Ik. Lk 4, 18

(R/. Aleluia.)

V/. Behartsuei Barri Ona emotera bialdu nau Jaunak,
       katiguei askatasuna iragartzera. R/.

Ebanjelioa

Uzta ugaria da, baina langileak gitxi.

† Jesu Kristoren Ebanjelioa San Lukasen liburutik  (Lk 10, 1-9)

    Aldi haretan, Jaunak beste hirurogeta hamabi izendatu eta bere aurretik bialdu zituan binaka, bera joatekoa zan herri eta leku guztietara. Eta esan eutsen: «Uzta ugaria da, baina beharginak gitxi. Egin, beraz, otoitz uzta-jaubeari bialdu dagizala langileak bere uztara. Zoaze! Bildotsak otso artera lez bialtzen zaituet. Ez eroan boltsarik, ez zakutorik, ez oinetakorik, eta ez gelditu bidean inori agur egiten. Edozein etxetan sartzen zariela, esaizue lehenengo: “Bakea etxe honetakoei!” Eta han bakezalerik bada, haren gainean jarriko da zuen bakea; osterantzean, barriz, zuen bakerik barik geldituko dira. Gelditu zaiteze etxe berean; eta jan eta edan daukienetik, ze, beharginari zor jako bere saria. Ez ibili etxez etxe. Herriren baten sartu eta ondo hartzen bazaituee, jan ipintzen deutsueenetik, osatu bertako gaixoak eta esaiezue: “Hurrean dozue Jainkoaren erreinua”.

Jaunak esana.

 

 

 

 

 

 

 

Oi Jainko, Zirilo eta Metodio anaia santuen bidez emon zeuntsen Ebanjelioaren argia herri eslaviarrei; emoiguzu zure irakaspenak bihotzez onartzeko grazia, eta egin gaizuz egiazko sinismenean

eta fede-autorpen zuzenean bat egindako herri. Zure Seme Jesu Kristo gure Jaunaren bitartez, Zurekin eta Espiritu Santuarekin batean

Jainko eta errege bizi da-eta gizaldi eta gizaldietan.

 

 

 

 

 

 

 

 

0902_ANTOLIN martiri santua

 

ANTOLIN, martiri santua

I.     Irakurgaia

Burruka gogorra egin behar izan zenduen.

Hebrearrei egindako epistolatik (Heb 10, 32-36)

     Senideok: Gogoratu egizuez hasierako egun hareek: fedearen argia hartu barri haretan burruka gogorra eta neketsua egin behar izan zenduen. Zuetako batzuek irainak eta tratu txarrak jasan zenduezan guztien aurrean; besteok, holan erabilitakoen lagunkide izan zinien; giltzapetuen oinazeetan parte izan zenduen eta pozik sufridu zenduen zeuen ondasunak kendu eutsueezanean, jakinik aberastasun hobea eta iraunkorragoa zenduela.
     Ez galdu, beraz, adorea, beragaz sari handia dakar-eta. Iraupena behar dozue, Jainkoaren nahia betez agintzaria eskuratzeko.

Jaunak esana

 

Erantzun salmoa (Sal 126 [125], 1-2ab. 2cd-3. 4-5. 6 (R/. ik. 5))

R/. Negarrez erein eben; pozez batuko dabe.

Jaunak Sionen zoria aldatu ebanean,
amesetan lez gengozan.
Barrez bete jakun orduan ahoa,
poz-oihuz mihina. R/.

Jentil-herrietan be esan eben:
«Handikiro jokatu dau Jaunak hareen alde».
Handikiro jokatu dau Jaunak gure alde,
eta pozarren gagoz! R/.

Aldatu, Jauna, gure zoria,
euri-jasek basamortua lez.
Malkoz erein ebenek
pozez batzen dabe. R/.

Negarrez joan ziran,
hazi-zorroa eroanez;
poz-oihuka datoz,
gari-eskutadak ekarriz. R

 

R/. Aleluia.

Gora Zu, Jainkoa, eskerrak Zuri, Jauna;
martirien talde zuriz jantziak goratzen zaitu, Jauna.

 

Ebanjelioa  (Lk 9, 23-26)

Bere bizia Nigaitik galtzen dauanak salbatu egingo dau.

† Jesu Kristoren Ebanjelioa San Lukasen liburutik

     Aldi haretan, Jesusek hauxe esan eutsen guztiei: «Nire ondoren etorri gura dauanak uko egin beio bere buruari, hartu begi eguneroko bere kurutzea eta jarraitu beist. Izan be, bere bizia salbatu gura dauanak galdu egingo dau; baina bere bizia Nigaitik galtzen dauanak salbatu egingo dau».
     Zertarako dau gizonak edo emakumeak mundu guztia irabaztea, bere bizia galtzen eta hondatzen badau?
     Beraz, inor nitaz eta nire mezuaz lotsatzen bada, Gizonaren Semea be lotsatu egingo da haretaz, bere aintzarekin, bere Aitaren aintzarekin eta aingeru santuen aintzarekin etorriko danean».

Jaunak esana

 

(Lagungarriak)

0718_Santa Marina

UZTAILAREN 18an
Santa Marina

Irakurgaia

Neure emazte egingo zaitut betiko.

Oseasen Profezia liburutik   Os 2, 16b. 17b. 21-22

    Honan berba egiten dau Jaunak:

    «Basamortura eroango dot Nik neure herria

eta bihotzera berba egingo deutsat.

Han bere gaztaroan lez erantzungo deust,

Egiptotik igon ebanean lez.

Neure emazte egingo zaitut betiko;

neure emazte egingo, justiziaz eta zuzenbidez,

maitasunez eta errukiz.

Leialtasunez egingo zaitut neure emazte,

eta ezagutuko dozu zuk Jauna».

 

Erantzun salmoa 148

 

 

 R/. Mutil eta neskatilok, goratu Jaunaren izena!

Goratu egizue Jauna zerutik,

goratu zeru-goienetik.

Goratu egizue, haren aingeru guztiok,

goratu, haren gudari-talde guztiok. R/.

 

Goratu egizue, munduko errege eta herri guztiok,

buruzagi eta munduko gobernari guztiok;

mutil eta neskatila, agure eta umeok.

Goretsi begie Jaunaren izena. R/.

 

Haren ospea zeru-lurren gainetik garai.

Garaipena emoten deutso bere herriari;

gorespena zor deutsoe fededun guztiek,

gorespena Israelek, bere-berea dauan herriak. R/.

 

Aleluia

Zatoz, Kristoren emaztegaia;

hartu egizu

Jaunak zuretzat prestatu dauan koroia.

Aleluia.

Ebanjelioa

Martak etxean hartu eban.
Mariak alderdirik onena aukeratu dau.

† Jesu Kristoren Ebanjelioa San Lukasen liburutik  Lk 10, 38-42

    Aldi haretan, Jesus herritxu baten sartu zan, eta Marta eritxon emakume batek etxean hartu eban. Baeban honek Maria izeneko ahizta bat, eta berau, Jaunaren oinetan jesarrita, haren berbea entzuten egoan. Marta, ostera, lanpetuta ebilen etxeko zereginetan.

    Orduan, Martak Jesusen aurrean jarri eta esan eutson: «Jauna, ez ete deutsu ardura nire ahiztak lan guztia nire gain izteak? Esaiozu laguntzeko».

    Jaunak, ostera, erantzun eutson: «Marta, Marta, gauza askogaitik zabiltz arduratuta eta larri; baina bakarra da beharrezko. Alderdirik onena aukeratu dau Mariak, eta ez deutso inork kenduko».